Plantun de Prouvènço

Pèr coumpara dos planto d'encò nostre

Pseudotsuga menziesii & Carduus defloratus

Sapin(-de-Douglas)

Pseudotsuga menziesii

Pinaceae

Àutri noum : Sap, Sapino, Sapi, Abet.

Noms en français : Sapin de Douglas, Douglas.

Descripcioun :
Lou sapin-de-Douglas dóu gènre Pseudotsuga trachis naturalamen en Americo de l'uba. Au nostre èi gaire esta planta pèr lou rebouscage, au contro d'àutri relarg d'O séusous. Fai d'aguio souplo e primo (< 1 mm de larg). Li dos bando d'estoumato emai se vègon, se vèson un pau mens bèn que sus la sapino. Mai èi subretout bonodi li pigno que se recounèis la sap-de-Douglas emé si lòngui bratèio trifido .

Usanço :
Dèu agué li mémis usanço que la sapino.

Port : Aubre
Taio : 5 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Pseudotsuga
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 10 à 15 cm
Flourido : Printèms

Sòu : Si (Ca)
Autour basso e auto : 200 à 1900 m
Aparado : Noun
Mars à jun

Liò : Sapiniero
Estànci : Subremediterran à Mountagnard
Couroulougi : Óurigino Americo-Nord
Ref. sc. : Pseudotsuga menziesii (Mirb.) Franco, 1950

Cardoun(-di-pecou-nus)

Carduus defloratus

Asteraceae Compositae

Nom en français : Chardon à pédoncules nus.

Descripcioun :
Aquéu cardoun trachis en mountagno dins lis esboudèu o enca li tepiero roucaiouso. Fai de mato gaire sarrado d'ounte sorton de flour coumpausado pourtado pèr de pecou nus, valènt-à-dire sènso fueio, o quàsi, mai pelouso (fotò). Li bratèio soun pougnènto, pulèu longo e d'un cop estrecho. Dos meno iston au nostre mai tout acò èi pancaro bèn clar : la subsp. carlinifolius, aqui presentado, a un pecou que fai pas souvènt mai de 5 cm, alor que defloratus fai mai de 10 cm en generau. Pamens i'a d'intermediàri que ié dison la subsp. medius.

Usanço :
Tóuti li cardoun soun manjadis, majamen li tijo, pamens avèn pas d'entresigne sus d'usanço couneigudo pèr lou cardoun-di-pecou-nus.

Port : Grando erbo
Taio : 15 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Carduus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 3 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Esboudèu - Roucaio - Tepiero roucaiouso
Estànci : Mountagnard à Aupen
Couroulougi : Ouroufito-Sud-Ouèst-Éuroupenco
Ref. sc. : Carduus defloratus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Pseudotsuga menziesii & Carduus defloratus

ges

Coumpara Sapin(-de-Douglas) emé uno autro planto

Coumpara Cardoun(-di-pecou-nus) emé uno autro planto